Cuir tús le Bosca Leabharlann Pobail
957
portfolio_page-template-default,single,single-portfolio_page,postid-957,bridge-core-2.3.2,ajax_fade,page_not_loaded,,qode-title-hidden,footer_responsive_adv,qode-child-theme-ver-1.0.0,qode-theme-ver-21.8,qode-theme-bridge,disabled_footer_top,wpb-js-composer js-comp-ver-6.2.0,vc_responsive

Cuir tús le Bosca Leabharlann Pobail 

Treisigh na nascanna i do cheantar agus cuir áis iontach ar fáil don phobal le bosca leabharlainne áitiúil. Spreag do chomharsana le leabhair a dheonú do gach leabhar a thógann siad amach as.

Cad é atá de dhíth?

Bosca leabharlainne síonfhriotaíoch

Leabhair

Grúpa Daoine

Céimeanna 

1.

Tóg do bhosca leabharlainne féin 

Is féidir leat do bhosca leabharlainne a thógáil ó réimse leathan ábhar, idir sheanseilfeanna agus chófraí seanchaite;

Is féidir tionscadal teaghlaigh a dhéanamh as seo, nó cuidiú a iarraidh ó ghrúpaí pobal éagsúla ar nós Bothán na bhFear;

Bí cinnte go gcuirtear doras ar an bhosca chun na leabhair a chosaint;

Lig do pháistí an cheantair an bosca a mhaisiú

2.

Aimsigh an láthair cheart

Is cuma más in eastát tithíochta atá tú nó in áit tuaithe, tá sé tábhachtach teacht ar an áit cheart don leabharlann.

Is féidir é a chur i ngairdín nó i bpáirc phoiblí, ach bí cinnte go n-iarrann tú cead dó más gá.

3.

Líon an bosca

Déanann leabhair leabharlann. 

Is féidir na céad leabhair a aimsiú i do theach féin is dócha, seans go gcuirfidh duine eile suim sna leabhair sin nár amharc tú orthu le blianta, cuir iad i do leabharlann. 

Iarr ar do chomharsana amhlaidh a dhéanamh agus roimh i bhfad beidh bailiúchán galánta agat. 

4.

Leag síos rialacha 

Is é an phríomhriail ná gur gá leabhar a dheonú do gach leabhar a ghlactar. 

Is féidir roinnt rialacha simplí eile a leagan síos más maith agus iad a ghreamú ar thaobh an bhosca.

5.

Sláinte agus sláintiú 

Tá sláintiú an-tábhachtach i gcomhthéacs Covid-19. 

Cuir díghalrán lámh i do leabharlann agus iarr ar dhaoine leabhair agus a gcuid lámha a ghlanadh sula gcuireann siad leabhar sa leabharlann agus nuair a thógann siad iad amach as

Leideanna sláinte ó thaobh Covid-19

Cuir scaradh sóisialta de 2m i bhfeidhm; 

Caith masc;

Nigh do lámha agus bain úsáid as díghalrán

Le spéis a léiriú, nó tuilleadh eolais a fháil, ní gá ach ríomhphost a chur chuig brona@antoireachtas.ie anois!